Ino
coyounè
Ou
étian de lô secondô coyounè
Ou étian treze mouénè.
Djïn le vintrou de notrô mère
Ou ovin pôssô quatre mé d'ivèr.
Quïnô
jintô viô
Ou ovin trétou pôssô !
Kémo djïn ïn chèté
Kémo djïn ïn boté !
O
sïnte bon le lé bè
O sïnte bon lô coyouné.
Tô lu jore ou ère lô fétô
E kïnô fétô !
Bien
ô cho djïn ko boté
Vou ère le môdjïn é le sé
De chansou ô treze voué
Nous tchenan trétou pô lô koué.
N'omuzian
ossi ô sotô-maôton
Le gran sotave le tcheton
N'omuzian ô lô corsô ô l'énou
Lu tchetou montô su lu gran.
De
tin z'in tin, ô proniéron,
Ou'é notrô kouô in tchirô bouchouon
Que sorve de kanô ô péchi,
Trétou, olian ô lo truétchi.
Opré
ô s'ômuzave ô lô recondiô,
O s'ômuzave ossi ô lô patô,
Tojore in chantant trétou
De chansou de tche coyous.
Le
bru de lô fétô
Nous virave lô tétô
Olors, ou ère lô corsô ô tchiô
peré
D'ô proumé ô doré.
Ou
étian pè du tô pressô
De tombé su klô terrô ;
O sôvian se que é nous voulë
O sovian que purè o foudrë.
In jore de mèr, lô bondô é portchiô
E su lô païlli sémon tombô.
O foye ïnô fre de chïn
Odieu boté, vetchiô le trïn .
Eureuzimin,
pô nous chôfè trétou
Trouvémon doze tetou.
Mè ou'étian treze coyous
O me, le plus tcheton,
E me boyèron le biberon
Dô to dôré gôrçon !