Lez'assuranse
Lu
païzan trétu se son modèrnizo ! X... o loye
ocheto in traktur. 0 l'ave de grande granjé è o
l'ère assuro po l'insandi bian koumo fo, me ke lé
granjé, é li sorvion de ran plu.
Por in ko, o labourave dessou le rouchi vé lo Fojére
o mon, é venion li djere : "Y'o to granji ke brule
!" O ! o se djezi si la granje é brule, opré
tou é me sèr pè o gran choze, anfin sé
pè mal assuro...
Anfin o se rondi tan vite ko pouye ; o l'aréte le traktur.
O l'arive, la granje l'ave brulo. O djezi : "E bin tan pi,
je tuchoré sékan de so, n'y o pa tan d'inpourtanse,
je fouézon mè de vaché o l'onbochi, j'ayon
in traktur po labourè, la granje é sèr pè
a gran choze !"
Tré katre jour o ui jour apré, la konpagni d'assuranse
onvouyi in èxpér. Alor o djezi: "ma granje
vo tranto milo fran, y'o pè d'istoire". L'otre o l'avizi
su le kontra d'assuranse. In'yave ina kloze ke djeze de rebatchi
la granje. Alor o se djezi : "Sé bian roulo, ke la
granje é me sorviro o ke !" Mè bian oblijo
d'aksèptè, è é remontèron la
granje.
E pé opré, vïn vun po l'assurè su la
vio. O djezi: "Léz'assuransé kelo vé,
mon vieu, voule pè se léssè roulè,
voué pè poussible."
- Mè si te vo pè t'assuré, assuro don ta
feno !
- O, oua, mè o mon'yaje, kan é muriro, voué
pè de so ke me bayoré ! M'on bayoré in'otro,
koué ké me sorviro o me !...
Cette
maison est assurée par ...
Roche-en-Forez
(huile
sur toile d'Agnès Goure, collection privée ;
couverture de l'ouvrage d'Antoine Lugnier, Cinq siècles
de vie paysanne à Roche-en-Forez,
réédition de 2006, éd. Créer, 63340,
Nonette
Retour
